حصري : شرح برنامج Corel Painter 11

هذي الصورة هي الواجهة الرئيسية في البرنامج ويظهر لنا الشبه الكبير بينه وبين برنامج الفوتوشوب المعروف

ثانياً ،،




هذا هو لوح الألوان الخاص بالبرنامج والميزة فيه سهولة وبساطة الاستخدام

ويتكون اللوح من جزئين ،، الحلقه تمثل الالوان الرئيسية باختلاف درجاتها

والمثلث يعطيك اضاءة اللون تدرجه من الغامق للفاتح

بالنسبه لي اشوف الاداة سهلة الاستخدام وتخدم الرسام بالألوان وتدرجاتها بشكل كبير جداً



ثالثاً ،،،



هالأداة تعتبر مثل البليت تبع الرسامين المحترفين ،، او مثل ماتشوفون اسمه Mixer

اكثر احترافيه في تركيب الآلوان ،، ركب اللون اللي في مزاجك وادهر



هذا لوح الأدوات في الكورل بينتر ومثل ما تشوفون اغلب الادوات تشابه كثير الادوات بالفوتوشوب

عندنا بالجزء في المربع الاصفر 6 ادوات

كل اداة علمت عليها بـ رقم ،، وراح اشرحها بالترتيب

1 : هذي الاداة تعطينا انواع الورق اللي نرسم عليه وتأثيره عالفرش عندنا اكثر من نوع مثل الورق الخشن و ورق الكربون ... الخ

2 : هذا اداة التدرج ،، نفس الموجودة في الفوتوشوب يعني لما نبغى نسوي تدرج لوني عالورقه نختار التدرجات الموجودة في الاداة هذي وننطلق

3 : ايضاً نفس الموجودة في الفوتوشوب ،، هذي اداة خاصة بالباترن او النقوش

4 : هالاداة مشابهه للباترن لكن تعطي تأثير الانسجة او الاقمشة عموماً بعد ماتختار الشكل اللي تبيه عشان تطبق هالتأثير ترعص على ctrl+F وراح يسوي لك fill للعمل او المكان اللي تبيه

5 : اداة المناظر او الاجسام ،، اداة حلوة وهي مثل الهوز او الانبوب راح يطبع لك صور تختارها انت او موجودة في الاختيارات

6 : مشابهه للأداة رقم 5 ولتطبيقها تحتاج تختار Image hose من قائمة الفرش

خامساً ،،،

قائمة الفرش ،، من هنا نقدر نختار انواع الفرش او الادوات تبع الرسم

عندنا اكثر من اداة مثل ماذكرت من قبل

وهذي صورة لبعض الادوات


الادوات بمسمياتها وكلبوشي يعني عيش حياتك

ترسم بالاكريليك ،، بالطباشير ،، بالفحم ،، بالرصاص ،، بالاير برش

اكثر من 30 اداة للرسم موجودة وبعد تقدر تسوي اداتك الخاصة ،، يعني البرنامج فاتح لك مجال تخترع اداة خاصة فيك وتلعب عليها

سادساً ،،،


هالمساحة من البرنامج تعطيك التحكم بالليرز او الطبقات ،، مثل الفوتوشوب بالضبط

وعندك بعد المود وشفافية كل طبقة او Opacity لها

ميزة اضافية بالكورل بينتر ،، عندنا انواع من الليرز ،، لير تكون للألوان المائية ،، واخرى للحبر السائل ،، يعني بعض انواع الفرش تحتاج ليرات معينه عشان تعطي التأثير تبعها المحاكي للحقيقه << متعووووب على كلمة محاكي

،،، بررب قهوهـ ،،،


بااكوش ،، باكات ،، ابكك شي

الحين تقريباً خلصنا الشرح لأدوات البرنامج

يعني ثلاث ارباع الشرح خلصناهـ

باقي كم نقطة حاب اتكلم عنها عالسريع

وبعد فيه فيديو عاليوتيوب اتمنى انه يفيدكم اكثر

،،،

اول شي سعر هالبرنامج $369.00

لكن الشركة حاطين له نسخة تجريبية

تقدر تحصلها من هنا

[ندعوك للتسجيل في المنتدى أو التعريف بنفسك لمعاينة هذا الرابط]